Rosa Liksom – Suomen värikhäin kirjailija
tisdag 24 oktober kl. 13:00 - 14:00
Rosa Liksomin uusi kirja, Väylä, oon kappale nykyaijan histuuriaa. Suomen Tornionlaakson evakuoinnista Ruothiin 1944 oon muisteltu ja vielä muistelhaan.
Väylä antaa lukijoile lissää ja toista pärspektiiviä. Soasta, paosta, Ruottin leiristä ja päähenkilön arkisesta ja eksistensiaalisesta atheesta. Päähenkilönä oon tyär, joka kertomuksen alussa liittyy vaeluksen matkhaan. Väylä oon sekä ajaton ette aijankohtanen kertomus.
Rosa Liksom oon yks Suomen suurimista kulttuuripersuunista. Hään oon taiteilija, tramaatikkeri ja sarjakuvien tekijä ja hään oon saanu Finlandia-palkinon ja Ruottin Akateemian pohjoismaisen palkinon.
Keskustelu piethään meänkielelä.
Päivä: tiistaina 24 oktuuperia
Aika: 13.00 -14.00
Paikka: Upplev Multisal, 4-kerros
Kohteryhmä: suomen ja meänkielen puhujat
Ilmaislippuja voipii hakea 22 septemperiä alkaen Vävenin kulttuurivasthaanotosta, kaksi lippua henkilöä kohti. Lippuja voipii kans varata soittamalla numehroon 090-16 33 10 eli varata tickster.com kautta (10:- lisämaksu).
Järjestethään yhteistyössä Uumajan kaupunginpipluteekin ja Uumajan kunnan hallintoaluheen kortinaattoreitten kansa.
Arrangeras av Kultur för seniorer i samarbete med Umeå kommuns samordnare för förvaltningsområde finska och meänkieli